Barneskitur

Då eg og Jarand kom heim i dag var huset tomt, og ingen middag på bordet. So då bestemte me oss ganske kjapt for å reisa på skitur. Det har vore fantastiske dagar no, klart ver, med nesten fullmåne (den e vel full no, og visst nok større enn te vanleg). Sjusetesnøen e nesten ny, oppå ein litt liten men hard base.

Me køyrde iallefall igang vannkokaren, fylte termosen, tok med oss nokre sottosada og mandariner og køyrde limmoen til Sjusete og guten fekk sine fyrste kilometer på ski denne sessongen. Slikt e jo ein tolmodigheitsprøve av dimensjonar men han var kjempeflink, gjekk av seg sjølv, men har definnitivt litt å læra før han fiksar nedoverbakkar.