Bursdagsølekakelaging!

Me øver oss til bursdagane i november.

Bål til å steika kaker på

På tur

Rollebyte

Mari vil gå medan Jarand vil sitja på;-)

Jarand hadde ikkje lyst å gå heim frå skuleplassen...

Tungt lasta!

Mari - 10 mnd.

Mari er allereie blitt 10 månadar gammal. Ho er ei aktiv lita jente. I det siste har ho funne ut at det er kjekt å gå når ein har noko å halda seg i. Ho er framleis tannlaus, men det virkar som

om noko er på gang... ho tygger på alt ho kjem over;-) Jarand er veldig glad i ho, men det blir litt knuffing innimellom. Ho gjer grei beskjed om at ho ikkje vil bli heldt, men han tar sjeldan hintet;-) Ho kan og vera veldig bestemt om det er ting ho ikkje vil gje frå seg. Jarand treng stort sett dei fleste leikane Mari har funne seg. Mari er glad i mat. Ho vil ha det meste me gjer ho bortsett frå tran og fruktpure. Prøver å fanga figurane på barne-tv...

Det var ikkje så gøy å ha benken denne vegen!

Når ein tar bilete av ho, kjem ho i full fart for å ta kamera;-)

Besøk av Line og Tormod

Line er med Mari og Jarand og kokar bil-graut.

Nam.nam!

Har Kjell Inge og lyst på bil-graut???

Bytur med Jarand

Forrige laurdag var eg og Jarand på tur til Bergen. På Togstasjonen var det utdeling av bollar og juice og bybane-brosjyre. Tusen takk for maten til bybanen!!!

Me var på kino og såg Gubben og Katten: Glemmeligheter. Det er første gong eg har teke Jarand med på kino. Trur han likte det, sjølv om han likte allerbest å ta toget. Han var sur på meg når me berre skulle ta toget heim att til Arna... han ville ikkje gå av...;-)

Me var på besøk til Onkel Hallgeir for første gong etter at han flytta til Bergen. Fekk middag og det heile:-) Hallgeir er sikkert lei seg for at alle bileta eg tok av han blei uklare.... og uegna for bloggen... Jarand var litt trøtt, men koste seg i alle fall framfor tven. Stilig med høg stol!

På toget.

Hard veka

Det har vore ei hard veke for stakkars Jarand. På fredag hadde han fått Streptokokkinfeksjon og må ta tilsaman 20ml "penicillin" fordelt på tre dosar om dagen i heile ti dagar. Og da smaka skikkeleg dritt.

I dag måtte han trekka ein av dei store flotte framtennene sine. Noko han nok ikkje var heilt einig i skulle skje. Men ikkje so gale at da ikkje e godt for noko. No har han fått ein ny ting å leika med; ei kiste med ei ekta tann i.

Ei lita oppdatering

Mari er passert 9 mnd. ferien er slutt og begge foreldra er tilbake på jobb og heime med ungane. Eg er på jobb mandag-onsdag og Kjell Inge er på jobb torsdag og fredag. Tida fram til jul kjem nok til å gå veldig fort!!! Eg likar meg veldig godt både heime og på jobb. Frå neste veke får eg og ei ny rolle. Eg skal ha ansvar for skulebiblioteket på ungdomsskulen i Samnanger dette skuleåret. Det blir spanande!

Jarand er begynt på utegruppa i barnehagen. Han syntest det var veldig trist når me skulle gå om morgonen den første veka. Andre veka sa han "Mamma, i dag skal eg ikkje grina når du går". Det gjorde han ikkje heller:-) Han må trivast veldig godt, for han har lyst å gå i barnehagen på fridagane sine og i helgene og. Han har heller ikkje tid til å bli med heim når han blir henta i barnehagen. Jarand er i barnehagen tirsdag, onsdag og torsdag.

I byrjinga av månaden var Mari på kontroll på helsestasjonen. Ho var då 67 cm lang og 7390 gram tung. Vesle, skjønne jenta vår! Blir nok babybilstolen ei stund til på ho;-) Ein må vera 9 kg for å bruka den neste stolen me har. Jarand skifta til den då han var 9 mnd. Han mistrivdes i babybilstolen.... Jarand var 70,5 cm og 9100 gram når han var 9 mnd. Han hadde 3 dobla fødselsvekta si han då. Mari har dobla fødselsvekta si;-) Vekt i høve til lengde er veldig fin for Mari, så ho er heilt som ho skal, berre litt kort:-)
Eg var 68 cm og 8500 gram når eg var 9 mnd.

På sykkeltur heilt til fossen og skulen;-)

Når ho mor syklar kjem me ikkje så langt;-) Forandring fryder uansett. Her kosar me oss i sandungen på skulen, måtte nytta på før skulestart.

Mari kunne jo faktisk spa! Sjølv om eg ikkje fekk det med på desse bileta då...

Eg har veldig lyst på ny sykkel, men det skal vell litt meir til enn ny sykkel for å komma oss på lengre tur;-):-)

Heime

Mari synst ikkje det er nødvendig å setja vekk vippestopen sjølv om ho er blitt stor jente!

Det gjorde litt inntrykk på Jarand at doktoren teikna på hudområdet som var raudt pga streptokokkar.

Eit usedvanleg bra leikebilete.... Eg har vore dårleg til å hugsa å ta bilete i det siste. Mari gjer stadig nye ting og eg tenkjer at det må eg ta bilete av neste gong ho gjer det;-) Får sjå om eg klarar å ta noko betre enn dette. Bilteppet og leikekjøkkenet er i alle fall veldig populære leikeplassar heime i stova hos oss.

I bæremeisen

Mari er jammen liten i bæremeisen. Ser no ut som om begge to synst det er kjekt på tur. Jarand er litt lat innimellom, så han synst bæremeis er ein god ide;-)

Jarand og Mari

Mari elskar å spela på denne leiken.

Jarand likar seg godt på bilteppet. Flatt landskap er litt keisamt...

Kjell Inge har pynta pyjamasen til Mari litt...

Full fart! "Du kara ikkje ta meg mamma" "Eg vinne, eg vinne lett".

Mari er blitt 8 månadar og ei veke gammal. Ei veke før ho blei 8 månadar klarte ho å setja seg og på kne og deretter reisa seg opp når ho heldt seg i noko. No vil ho helst stå heile tida;-) Balansen blir betre for kvar dag, sjølv om den er langt i frå god enda... Det blir ein del knall og fall...

Jarand er verkeleg i "koffor-da"-alderen. Han spør om så mykje. Når me køyrer bil spør han alltid om kor lang tid det er igjen. "Å, ja!" seier han når me seier det er 10 eller 50 minuttar igjen. Eg veit ikkje om svara våre seier han så mykje enda;-) Han er blitt meir sosial, men og meir sjenert enn han har vore før. Foreldra og Mari er litt keisamt selskap innimellom, så han har veldig lyst ein tur i barnehagen. Barnehagen er diverre sommarstengt, så det går ikkje så bra. Det hjelper heldigvis å gå på besøk.